رح أتميز شوي عن المواضيع الباقيه ..رح اتكلم عن موضوع يشكل عائق كبير للطلاب وللطالبات بشكل خاص
موضوع عرف بتهجم المجتمع لهالمجال وعدم توعيتهم له ولهم نظره سيئه في بعض المجتمعات عنه
وهي إني بحكي عن مشاكل تحدث في مجتمعنا وقد تحكم في مستقبلنا ..
سواء طالبات او طلاب اذا دخلوا كليات الصحيه ..
الكثير من الطالبات يتخوفون من مسألة تدريس الدكاترة الرجال لنا
علما بانه يبدا من level 3 مو بس كذا حتى مستقبلا في المستشفيات وللأسف فيه
نظرة غلط لطبيعة الاختلاط بالمجال الصحي عموماً و بكليه العلوم الطبيه التطبيقيه خاصه
والاختلاط بحد ذاته ما يعد مشكلة إلا إذا خرج عن إطاره اللي مفروض
يبقى فيه,,,صح إحنا مجتمع مسلم ومحتفظ بعاداته وتقاليده لكن هذا ما يمنع
إنك كــ طالبة تستفيدين من العلم سواءً كان عند دكتور أو دكتورة
طالما إنك محافظة على دينك وعلى علاقاتك بدكاترتك سليمة
هذا غير إنك بكرة رح تشتغلين في مستشفيات الاختلاط فيها ضرورة
لكن التربية والثقافة لها دور ولي نظرة بهالموضوع إنه مو شرط البنت أو
الولد المنغلقين في بيوتهم يكونون أفضل من اللي يشتغلون في
المستشفيات وهذا مو مقياس أعرف منه الصالح والطالح
بالعكس فيه نماذج مشرفة بالمستشفيات لطبيبات واخصائيات سعوديات
مازالوا محافظين ومتمسكين بدينهم ومحافظين على احترامهم...
(( أنا لا أريد ما يريدني الآخرون أن أكون، بل أريد أن أكون ما تريده نفسي بأن أكونه ))
و مشكله ثانيه نظرة المجتمع المجحفة لأخصائي العلوم الطبية فيه ناس يكون علاج
مشاكلهم عند إخصائي العيون مثلاً مع ذلك يصرون على الذهاب لطبيب
عيون أو يفضلون الذهاب لأخصائي أنف وأذن وحنجرة بدل الذهاب
لأخصائي علاج النطق والسمع...
هذا غير إن البعض يفهم إنه من الاستنقاص إنك تكون أخصائي وما
تكون طبيب أو إن طبيب يشرف على عملك...
أولاً لازم نعرف إن المستشفى منظومة صحية متكاملة ما تشتغل إلا بوجود
الجميع وتوفر طاقم العمل المكون من الطبيب والأخصائي والفني
والعامل أياً كان نوع عمله وكل عارف عمله وايش الحدود اللي يعمل على
أساسها يعني ممكن تشتغل ضمن طاقم العمل اللي يضم طبيب مختص و أخصائي نفسي
وأكيد يختلف على حسب الحالة ولو أشرف عليك طبيب هذا ما ينقص
من دورك خصوصاً لو أثبت نفسك وحاجة المستشفى لك تزيد كل ما زاد
إخلاصك معرفتك بقيمة تخصصك...
(( ابتعد عن الأشخاص الذي يحاولون التقليل من طموحاتك . البسطاء فقط يقومون بذلك، بينما الناس العظما هم الذين يشعرونك أنك باستطاعتك أن تصبح واحدا منهم ))
وطبعا مع لفي ودوراني في بعض المواقع لقيت مشهد مادري وش اعلق عليه لكن اترك لكم الحكم!!
اقتباس:
((مشـهـــد من حيـــاة عبد الله ))
عبدالله طالب في السنة التحضيرية معدله 4,5و معروف باجتهاده
واهتمامه بمواده ,, معدله يؤهله لدخول أي كلية من أوسع أبوابها
و قرر أخونا عبدالله دخول العلوم الطبية و أول ما أعلن
قراره هاجمه أستاذته وأهله و وزملائه وكثير رددوا له هالعبارة
"وش تبي في العلوم الطبية أنت مستواك الدراسي يؤهلك
للأحسن منها!! ",, بعد الضغط النفسي حط العلوم الطبية آخر رغبة
و درس في الطب البشري.. لما وصل لسنة ثالثة راح المستشفى
ما عجبه الوضع والأيام تثبت له أن الطب مو ميوله لأنه كان ناوي
يدخل قسم العلاج الطبيعي و يركز عليه ويكمل فيه...
بعد محاولات لإكمال الطب وتدهور معدله التراكمي وافق أهله
على أنه يحول للعلوم الطبية ولكن بعد ضياع سنتين من حياته
كان المفروض انه وصل للمستوى السادس مع اقتناع والده
أن عبدالله مجرد "معالج" وأنه ما يفهم غير هالشي لدرجة إنه
ما يحب يقول لأصدقائه أبو فهد وابو محمد أن عبدالله علاج طبيعي
لأن فهد مهندس ومحمد طبيب أسنان وأن هذولا مسمياتهم مهندس
و دكتور مو أخصائي ولا فني... إضافة ً إلى إنه يشوف 5 سنين ونص
كثير على العلوم الطبية هذا غير موقعها البعيد عن الجامعة في عليشة...
هذي مشكلة عبدالله مع ابوه أما والدته الحمد لله مافي أي مشاكل
غير إنها متخوفة مستقبلاً من عمل ولدها مع الدكتورات أو اختلاطه
بالأخصائيات
هذا مشهد ممكن يصير عند عبدالله وعند غيره وممكن يصير لأي بنت
لا تعليق !! يعني سبحان الله يعني ادخل تخصص عشان يقولولي يادكتور والا مهندس!!
واكون ارفع منهم مستوى!!
وبم ان مجتمعنا الخليجي وخاصة السعودي يستحقر لامراه تكون داخله للمجال الطبي واتركم مع
الموضوع اللي متوقتعه صراحة وماتفاجأت!!
اقتباس:
في الامس القريب كنت جالس مع الاصدقاء نتناقش عن التخصصات بالجامعه وايش يبغى كل واحد فينا يتخصص بعد التحضيريه ...
المهم جبنا طاري البنات وياتخصص الطب
فتفاجات ان اغلب الشباب رافضين لفكره ان البنت تتخصص بكليه الطب .!!!!
وكانت اعذارهم كالتالي:
الاول قال ان الطبيبه تختلط برجال اجانب واكيد بتتعرض لمضايقات وانا ماارضى على زوجتي
والثاني قال انها تقضي معظم وقتها برا البيت وانا ابغى زوجه اذا رجعت لقيتها بالبيت
والثالث قال ان اهلي رافضين اني اتزوج طبيبه
والرابع قال ان مايدخل هالتخصص الا اللي يبن قلة الادب والمسخره !! ((وانا متحفظ جداً على هالجمله ))
صدقوني لما قالي هالسبب بغيت اصكه بزمزميه الشاهي على جبهته
وفيه اثنين من الشباب أيدو فكره الزواج من طبيبه << بشرط يكون نص الراتب لهم
هذي عينات من شبابنا المثقف الراقي
عموما تتوقعون هل هذي اسباب مقنعه ؟؟؟
ايه والله راقي يارقييين !!
اترك لكم التعليق لان ماودي اجيب العيد ..
والكل فاهم المجال الطبي بالنسبه للبنات فيها اختلاط وان مافيه بنت تتزوج فيه!!
ياناااس ياعااااالم الناس وصلوا للقمر واحنا لسا باقين في المريخ ..
انا ماقلت تطوروا لا حشااا والف لا بس قلت كلمه ظريفه قلت وعوا اعقولكم مو كل بنت تدخل مجال طبي تصير قليلة ادب او شيء من هالقبيل !!
امس كنت في اجتماع يتكلمون فيه عن صحة الفم يعني اثقف عمري
بس مع العلم اني جالسه فقط مستمعه مالي دخل بهذا كله..
ومن هالكلام الدكتوره تتكلم عن مواقف صارت لها بين الطالبات .. وعن مشاكل فعلا يمرون فيها
تقول الدكتوره تتكلم عن نظره المجتمع بالنسبه للطالبه اذا دخلت المجال الطبي ..
تكون نظره لها سيئه!! صراحة رايها وكلامها كان حلوو لكن بعد ماخلصت كلام اخذتها ع جمب اسالها كم سؤال يعني لزوم التليقف خخخ
اسالها انو هل اعداد البنات في المجال الطبي في تزايد الحين والا يقل !؟
واللي فاجئني انه يكثر الحمدلله بس المشكله تقول مو على كذا المشكله من الاهل والمجتمع نفسهم والدكاتره في تعاملهم مع الطالبات!! يعني عنده يشرح لطالب ولا الطالبه!! استوعبتوا الحين
اييييه دكاتره بس مو كلهم .. يعني انصحكم باللي يدخل مجال طبي يهاجر لبراا
بس ابشركم بدا يصير في الجامعات هنا دكتورات وليس دكاتره بالنسبه للبنات للكليات الصحيه
وتقولون ليش تدرسون برااا لان المستوى العلمي في المملكه يقولون انه الافضل بس لو يتعمقوون فيه يضل الابطاء تطورا!!
انتم بس لو تشوفوون براا وش يسووون
يعني انا نفسيا ارتاح في كلاساتهم ... يعني كل شي يعرض حي ولا هو مجرد رغي و كلام وفلسفه
طبعا من اللي شفته هناك ... يعني في دراسه الجغرافيا او شي زي كذا عندهم مايفرق انت والدكتور واحد !!
يعني مثلا تدرس تضاريس افغانستان مو تدرسها خرييطه!! ترووح تحلق فوق تضاريسها بالطياره وترسمها ----------> احد عنده اعتراض طبعا لا!!
واذا ع طاري الزواج .. ممدين ع الغثا وقلبة الراس
وعادي عادي استسلموا للامر الواقع مخ الخليجي خاصة هيك شو بدنا لكن ان شاءالله وبعون الله
بنقوم عليهم هع .. >>ادري مايبون المراه تكون احسن منهم في كل شي
وكل احد ونصيبه ابد النصيب جاي ان شاءالله والكتاب مكتوب الله لايعوق شر
دق التحيــــة { أمـــامـــك } دختورجيه!!
بالنسبه للبنات للكليات الصحيه
>>> شب 
العرض العادي
